O vindeiro xoves, 13 de xullo ás 12:00, presentaremos a exposición 20 anos do Prestige no Salón de Plenos do Concello de Carnota.
A exposición, que consta de fotografías xornalísticas dos primeiros días da traxedia, xa está aberta ao público dende o 4 de xullo e poderá ser visitada ata o 16 de xullo no salón de plenos do Concello de Carnota.
A actividade está enmarcada dentro do proxecto M.A.N. (Mar Arte Naufraxios), da compañía teatral aAntena, que resultou beneficiaria da liña de axudas “Territorio Cultura” da Xunta de Galicia.
Comments