PRAIAS

UN MAR DE VIDA

Os 30 km de litoral do concello de Carnota constitúen unha interminable sucesión de fermosas praias. Dende O Pindo ata Lariño contabilízanse máis de sete preciosas e acolledoras praias, coa indiscutible beleza de natureza en estado puro.

 
Praia Carnota.JPG

Praia de Carnota

A praia de Carnota, con forma de media lúa, é un espazo natural de gran beleza e de grande interese medioambiental. Tras un inmenso areal, duns 7 km de lonxitude, érguese un conxunto único de dunas e marismas cunha lagoa interior que acolle comunidades vexetais e animais de gran interese. Para os afeccionados á observación das aves este é un lugar ideal, xa que serve de refuxio a multitude de especies nos seus movementos migratorios e outras que aquí, se asentan durante todo o ano, co engadido de ser un dos poucos lugares de Galicia onde aniña a píllara papuda.

Carnota3.png
Carnota2.png

No corazón da praia, a desembocadura do río Vadebois ofrece un marabilloso espectáculo na coñecida como Boca do Río.

Pola súa riqueza e variedade de ecosistemas, así como pola súa inestimable beleza, a praia de Carnota foi considerada pola revista xermana “Traum Stände” unha das cen mellores do mundo. Así mesmo, o boletín de noticias rentalia.com nunha sondaxe na que contaron máis de 1000 opinións sitúana entre as tres mellores de Galicia e recentemente foi recoñecida polo diario británcio The Guardian
 entre as 40 mellores de Europa.

Praia de Caldebarcos.jpg

Praia de Caldebarcos

Entorno semiurbano con calidades excepcionais para a práctica dos deportes náuticos dado aos frecuentes ventos e brisas costeiras. Area de cor branca.

 
BocadoRio.JPG

Praia A Boca do Río

Entorno natural con pinares nas inmediacións da desembocadura do Río Vadebois. É a praia máis frecuentada pola súa beleza e servizos.

Dende ela pódese acceder ás praias da Berberecheira e Cangrexeira e as marismas de Caldebarcos, onde se poden observar diferentes tipos de aves.

 
Praia Mar de Lira_edited.jpg

Praia de Mar de Lira

Pequena e acolledora praia con bos accesos e vistas ao monte Pindo. A escasos metros da praia atópase un merendeiro, un parque infantil e un paseo de madeira que une Mar de Lira co porto de Portocubelo. Tamén ondeou a bandeira azul en varias ocasións.

 
Praia Carnota1.JPG
Praia de San Pedro de O Pindo.jpg

Praia de San Pedro de O Pindo

Praia urbana con bos accesos situada aos pés do Olimpo Celta. Caracterízase pola cor azul turquesa das súas augas e por ter escaso oleaxe. Foi recoñecida en algunha ocasión con la bandeira azul.

 
Praia do Porto de Quilmas.JPG

Praia do Porto de Quilmas

Entorno portuario e abrigada, con area de cor dourada. Nela fondean embarcacións de recreo, así coma barcos pertencentes aos pescadores do lugar.

 
 
Praia de Lariño.JPG

Praia de Lariño

Amplo areal de entorno virxe con area fina e branca. Enstá situada á esquerda de Punta Ínsua. Ideal para deportes náuticos coma o windsurf, surf ou kitesurf.