A Senda Verde é un lugar óptimo para a práctica de sendeirismo onde se pode desfrutar da natureza e das vistas da espectacular praia de Carnota e o monte Pindo en case todo o seu percorrido.

Esta ruta de 14 km une O Ancoradoiro e o lugar de Louredo e conta con dúas áreas de descanso: a de Martiaño, na zona de Lira, e a das Camposas, en San Mamede. Tamén se pode acceder á Senda Verde dende Lira, Mallou, Vilar, Carnota e Pedrafigueira.
 

O percorrido pódese realizar a pé ou en bicicleta e apenas ofrece dificultade, agás nos accesos, que é onde presenta maior desnivel.

​