Descubre Carnota este verán a través das súas visitas guiadas

O Concello de Carnota presenta un completo programa de visitas guiadas para este verán, ofrecendo aos visitantes a oportunidade de explorar o rico patrimonio natural e cultural da zona. Desde rutas históricas ata experiencias nocturnas, cada actividade está deseñada para achegar aos participantes á esencia de Carnota.

O calendario de visitas guiadas é o seguinte:

• 9 de xullo – Visita guiada por Lira

• 16 de xullo – Visita guiada á Moa (Monte Pindo)

• 23 de xullo – Visita guiada nocturna ao petróglifo das Laxiñas

• 30 de xullo – Visita audioguiada polo lugar do Pindo

• 6 de agosto – Visita guiada á Moa (Monte Pindo)

• 13 de agosto – Visita guiada nocturna ao petróglifo das Laxiñas

• 20 de agosto – Visita guiada por Lira

Para participar, é imprescindible realizar a inscrición previa a través do seguinte formulario . A inscrición debe realizarse antes do luns previo a cada ruta, ata as 12:00 h.

Cada visita guiada ten un custe de 3€ por persoa que se realizará na seguinte conta: ES84 2080 0334 8731 1000 0035 indicando o nome do/a participante e a ruta a que se inscribe, agás a visita audioguiada polo pobo do Pindo que se pagará en efectivo na Confraría do Pindo ao inicio da ruta.

Estas visitas guiadas ofrecen unha oportunidade única para coñecer a historia, a paisaxe e os segredos mellor gardados de Carnota. Non perdas a ocasión de vivir unha experiencia inesquecible!