Carnota énchese de cultura coas "Noites Espectaculares" 2025

O Concello de Carnota continúa coa xa consolidada programación das Noites Espectaculares, unha proposta cultural que enche de vida o Salón de Plenos durante os meses de outono e comezos do inverno.

A iniciativa inclúe catro citas nocturnas con entrada libre, pensadas para achegar o teatro, a narración e o audiovisual á veciñanza nun ambiente íntimo e acolledor.

Todas as funcións terán lugar ás 21:00 h, con acceso gratuíto ata completar aforo.

Este ano contaremos cas seguintes actuacións:

• 17 de outubro: Dentro do ciclo Outono das Artes, proxectarase o documental Lévame a idea, unha peza que convida á reflexión e á emoción.

• 7 de novembro: A compañía Tarabela Creativa presenta O que non estaba escrito, unha contada que mestura palabra e sentimento.

• 21 de novembro: Farrapo de Gaita trae a comedia teatral Mamá, unha obra que promete gargalladas e tenrura.

• 12 de decembro: O grupo Teatro Amador Terra de Outes despide o ciclo cunha versión cómica e moi galega de Molière: O Doente Imaxinario, Daquela Maneira.

Con esta programación, Carnota reafirma o seu compromiso coa cultura de proximidade, ofrecendo espectáculos de calidade.