Concentración nacional do Peugeot 205 con parada en Carnota

A Costa da Morte convértese no punto de encontro dos amantes do Peugeot 205. Os días 1, 2 e 3 de maio, máis de 40 unidades do mítico Peugeot 205 percorrerán a Costa da Morte dentro da concentración nacional anual organizada por Club-205.com e Club 205 España.

O xoves 2 de maio farán parada en Carnota, onde poderán gozar da nosa paisaxe, rutas e gastronomía.

Ademais de Carnota, a concentración visitará tamén Fisterra, Ézaro e Muxía, completando un itinerario que destaca pola súa beleza e polo carácter único da nosa costa.