Aberto o prazo para participar cun posto no Mercado e Festa de Fin de Ano de Carnota

O Concello de Carnota organiza, como xa vendo sendo habitual, un mercado os días 27 e 28 de decembro de 2025 e unha festa de fin de ano con orquestra e discoteca móbil.

Aquelas persoas/empresas interesadas en poñer un posto durante o mercado (comercio, artesanía, restauración, cantina, etc.) deberán presentar a súa solicitude a través do rexistro ou sede electrónica do Concello dende o 17 de outubro ata o 17 de novembro de 2025.

Tanto o Mercado como o Festival celebraranse nunha carpa na Praza de San Gregorio de Carnota, polo que o número de postos e zonas de comedor será limitado. No caso das zonas de comedor, prevalecerán as solicitudes das asociacións culturais.

Se as solicitudes recibidas superan o número de postos que, por motivos de capacidade e organización, se poden instalar na carpa, realizarase un sorteo público no salón de plenos do Concello, diferenciando cada tipo de posto, o 18 de novembro de 2025, ás 12:00 horas.